லிபரல் ஆர்ட்ஸ் பல்கலையில் இளநிலை படிப்புகள்

சென்னை: இந்தியாவின் முதல் லிபரல் ஆர்ட்ஸ் பல்கலைக்கழகமான அசோகா பல்கலைக்கழகம், ஆகஸ்ட் 1ம் தேதி முதல் தனது இளநிலைப் படிப்பைத் தொடங்கவுள்ளது.

ஹரியானா மாநிலத்தின் தனியார் பல்லைக்கழகங்கள் சட்டத்தின் கீழ், லாப-நோக்கமற்று, ஒரு ரெசிடென்ஷியல் பல்கலையாக தொடங்கப்பட்டதுதான் அசோகா பல்கலை.

பொருளாதாரம், வரலாறு, கணிதம் ஆகிய பிரிவுகளிலிருந்தும், Interdiscipline பிரிவுகளான அரசியல் மற்றும் சமூகம், பொருளாதாரம் மற்றும் நிதி ஆகிய பிரிவுகளிலிருந்தும் ஒரு மாணவர், தனக்கான மேஜரை தேர்வு செய்து கொள்ளலாம்.

அடுத்த 7 அல்லது 8 ஆண்டுகளில் இந்த பல்கலை பெரியளவில் விரிவுபடுத்தப்படும். முதல் இளநிலைப் படிப்பு, 350 மாணவர்களுடன் தொடங்கப்படும் என்று எதிர்பார்க்கப்படுகிறது.

இப்பல்கலை, பல வெளிநாட்டுக் கல்வி நிறுவனங்களுடன் ஒத்துழைப்பைக் கொண்டுள்ளது. இங்கே, பல்வேறு பிரிவுகளில், மொத்தம் 36 கோர்ஸ் கிரெடிட்டுகள் உள்ளன என்பது குறிப்பிடத்தக்கது.